Членовите на семејството Рајман, кое управува со империјата за производство на кафе и шампон, се најбогати Германци, според списокот на списанието „Менаџер“.
Со богатство од 35 милијарди евра, оваа претприемачка династија е водечка на списокот на „Менаџер“.
Секоја година, весникот објавува список со 1001 најбогат германски граѓанин врз основа на вредноста на акциите на нивните компании.
Семејството Рајман и нивната компанија ЈАБ холдинг стојат зад производителот на кафе и чај „Jaкобс Дув Егбертс“ и производителот на шампони „Вела“.
На второ место е основачот на Лидл, Дитер Шварц, со богатство од околу 27,5 милијарди евра.
По нив следуваат акционерите на БМВ, Сузана Клатен и Стефан Квант, први на ланскиот список, со 26,5 милијарди евра.
