Глобалните потрошувачи најмногу ги ценат производите од Германија, а во голема мера не веруваат на оние од Кина, покажа истражувањето на YouGov и Cambridge.
Повеќе од половина од испитаниците во 23 земји дадоа позитивна оценка за германските производи, а само шест проценти им дадоа негативна оценка, покажуваат резултатите од интернет анкетите.
Притоа, Германија во истражувањето освои 45 поени, следи Италија со 38 поени, а потоа следуваат Велика Британија и Франција, двете со по 34 поени. Јапонија освои 33 поени и е подобра за пет бода од Јужна Кореја.
Дури 44 проценти од испитаниците дадоа негативна оценка на кинеските производи, а 15 проценти дадоа позитивна оценка. Со тоа Кина го зазема последното 12 место во групата на земји производители, со освоени нето 29 бодови.
Анкетирани се потрошувачите од земји и области со високи приходи, вклучително и Европската унија, САД, Австралија и Јапонија, но и оние со ниски приходи како што се Индија, Мексико, Кина, Нигерија и Јужна Африка.
„Нашето истражување покажа дека потеклото на производот и понатаму продолжува значително да ја обликува неговата перцепција помеѓу потрошувачите“, заклучи маркетинг директорот во YouGov, Филип Шнајдер.
