Германските власти од вторникот бараат информации во седиштето на Deutsche Bank во Франкфурт во врска со Danske Bank и скандалот поврзан за перење пари, соопштија обвинителите во Франкфурт.
Се истражува дали Deutsche Bank доволно брзо ги известила властите за сомнителните трансакции, се вели во соопштението на обвинителството, а објави Reuters. Во рацијата, која уште трае, вклучени се тројца обвинители и девет агенти од германската криминална полиција, а од Deutsche Bank велат дека соработуваат во истрагата.
“Deutsche Bank сеопфатно ги испита фактите поврзани за ова прашање и доброволно ги достави бараните документи”, се вели во соопштението на банката. Deutsche Bank уште кон крајот на минатата година е обвинета за наводно „перење“ на 185 милијарди долари за естонската подружница Danske Bank во периодот од 2007 до 2015 година.