Ситуацијата во која гром удира во автомобил сигурно не е вообичаена појава. Меѓутоа, приказната дека гром никогаш не погодува исто место двапати е очигледно мит, а тоа го потврдува и ова видео од Новосибирск во Русија.
Toyota SUV се движи полека во колоната, а потоа двапати по ред во краток временски интервал ја удира гром. Според достапните информации, никој од патниците не е повреден.
Тоа најверојатно не е случај и со возилото. Имено, според американската NHTSA, ударот на гром ќе ги изгори електричните инсталации, а можни се и други оштетувања на автомобилот.
Инаку, при удар од гром, автомобилот се однесува како Фарадеев кафез, предизвикувајќи струја да тече низ површината на металната каросерија и завршува во земјата. Во такви случаи се советува возачот веднаш да го запре автомобилот и да го исклучи моторот, како и некое време да не допира ништо метално во автомобилот.
Сè на сè, автомобилот е едно од најбезбедните места за време на невреме.
