Цените на златото се зголемија под влијание на постојаните тензии на Блискиот исток и индикацијата за стагнација на економски активности во еврозоната.
Надежта дека САД и Кина спогодбено ќе го решат трговскиот конфликт стивна по изјавата на американскиот претседател Доналд Трамп дека не му е потребен трговски договор со Кина пред претседателските избори во САД кои ќе се одржат следната година.
Позитивна промена во решавањето на американскиот-кинески трговски конфликт е малку веројатна со оглед на тоа што кинеската делегација ја откажа планираната посета на главните земјоделски производители меѓу сојузните држави на САД, објави dpa.
Цената на унца злато на физичкиот пазар се зголеми вчера за 0,15 проценти, на 1.519,12 долари. Во терминските договори на американскиот пазар со злато се тргуваше за 0,8 проценти повисока цена, од 1.526,55 долари.
