Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 11,303.85 0.13%    GRNT 1,048.61 -0.61%    KMB 6,299.69 1.14%    KVAS 17,000.00 20.57%    MPT 76,676.92 0.6%    MTUR 5,400.00 0.03%    OKTA 4,600.00 -0.01%    RZIN 90.00 0%    RZTK 660.00 0%    SOLN 293.00 -2.98%    STB 1,165.00 0.42%    TEL 315.00 1.43%    TETE 2,300.00 0%    TNB 16,600.00 0%    UNI 2,361.91 2.69%    VITA 12,365.00 3.29%    

Гравот „тетовец“ го има сè помалку на нивите и се продава сè поскапо

Време: 09:38

Датум: септември 21, 2019

Категорија: ЕКОНОМИЈА

Препознатливиот грав „тетовец“ периодов се продава по значително висока цена од 300 денари за еден килограм. На зелениот пазар во Тетово 300 денари е гравот од годинашната реколта, додека за собраниот род од минатата година се бараат од 200 до 250 денари. Продавачите велат дека цената секако влијае врз продадените количини, но сепак се купува од страна на граѓаните.

– Поради цената се внимава на тоа колкава количина ќе се купи. Јас имам тазе грав од Требош и Палатица, се купува, ама не во големи количини. Минатата година се продаваше тазе грав од 180 до 200 денари, вели Арслан Бекири, продавач на тетовскиот зелен пазар.

Оние што ја одгледуваат оваа земјоделска култура велат дека се повторуваат 2015 и 2017 година, кога временските услови, како и инфраструктурната непогодност влијеа на тоа да има слаб род.

– Намален е родот оваа година на нивите. Кај нас е послабо од минатата година. Иако сè уште не сме завршиле со бербата, може слободно да кажам дека нема да имам многу грав за собирање. Причината да нема поголем род е во тоа што, на пример, кај нас вода немаше доволно. Имаше малку дождливи денови во текот на летото и тогаш се „исуши“ гравот. Исто така, немаше доволно вода по каналите за наводнување како што кажуваат и другите земјоделци, објаснува Драги Илиевски, земјоделец од селото Фалише.

Одгледувањето на гравот „тетовец“ со години наназад воопшто се намалува и според бројот на површини. Луѓето сè повеќе се откажуваат од гравот поради неисплатливоста.

– Гравот е тешка култура за работење. Во времето кога расте потребно е да се најде многу вода. Кога се бере е тешко, мачно за работа. Се собира во август и во септември, кога уште е топло. Нема луѓе да се најдат за да работат на собирање, па еден земјоделец сега веќе сее грав на површина толку колку што може сам да изработи, потенцира Драги Илиевски.

Агрономот Бранко Карапејовски објаснува дека кога земјоделците добиваат помалку грав, тоа е поради топлото време и високите температури, кои влијаеле врз културата во фаза на цветање. Жештината придонела да не процвета цветот кај оваа култура во најважниот момент при созревањето.

– Со новите климатски промени, особено кај гравот во време на цветање доколку се појават високи температури и слаба релативна влажност доаѓа до отфрлање на цветот и со тоа имаме последица да не врзе, односно да не плодоноси гравот. Но поради тоа што гравот заедно со пченката се сее и во период на цветање може да се случи не секаде да цвета еднакво и затоа имаме одредени површини, одредени делови каде што има појава на грав плодоносен, а некаде нема. И во таа ситуација е намалено производството на грав, а тоа е последица од високите температури во време на цветање. Кај гравот тоа е една од карактеристиките, не секогаш, ама во вакви ситуации доведува до намален принос, вели агрономот Бранко Карапејовски.

Исто така потенцира дека во тој дел од процесот на одгледување на гравот, земјоделците немаат можност директно да влијаат, туку зависат од временските пригоди.

– Се разбира и други фактори можат да влијаат, тоа е недоволна зафатеност на влада, вода и други фактори, но најголемиот фактор е во однос на тоа да нема плодоносење при високите температури во време на цветање. Кај другите фактори може да се интервенира, но последиците од високи температури тешко можат да се спречат, истакнува Карапејовски.

И стручните лица и производителите велат дека површините се намалуваат и поради немањето организиран откуп на гравот, како на пример со праските. Земјоделците претежно гравот го продаваат на зелените пазари, а само ретки одгледувачи успеваат да пласираат поголемо производство во странство.

Во зависност од условите за одгледување кога има сушна година се проценува дека намалувањето на родот на гравот варира од 50 до 90 проценти. Во добри години се смета дека треба да има 1.000 килограми грав од еден хектар. Во Тетовско, препознатливиот грав „тетовец“ земјоделците го одгледуваат заедно со пченка, што служи како потпорна конструкција за растење во височина.

Гравот се сее кон крајот на април и во почетокот на мај, а се бере почнувајќи од последните денови на август, но и во текот на септември.

Гравот „тетовец“ е препознатлив дека по варењето ја задржува компактноста, па лушпата малку се одделува од зрното. Заштитен е во Државниот завод за индустриска сопственост со неговото географско потекло и карактеристики.

Александар Самарџиев

КОМЕНТАРИ

НАЈНОВО ОД КАТЕГОРИЈАТА

  • Свети Климент Охридски Чудотворец

    Свети Климент Охридски Чудотворец

    Христијанството го има големиот свети апостол Павле како камбана на верата, а ние ги имаме и него и свети Климента. Таква била Божјата промисла, Македонија,…

  • БДП порасна 3,6 проценти во третиот квартал

    БДП порасна 3,6 проценти во третиот квартал

    Растот на БДП во третиот квартал од 3,6 проценти, колку што пресмета Државниот завод за статистика, за премиерот Зоран Заев е под неговите очекувања. Тој…

  • Променливо облачно со локални врнежи од дожд особено претпладне

    Променливо облачно со локални врнежи од дожд особено претпладне

    Времето денеска ќе биде променливо облачно со локални врнежи од дожд особено претпладне. Во текот на денот облачноста ќе се намалува, информира Управата за хидрометеоролошки…

  • Светна новогодишната елка во Скопје

    Светна новогодишната елка во Скопје

    Со вeчерашното светнување на елката на плоштадот „Македонија“ и отворањето на новогодишниот базар „Винтерленд“ симболично се означи почетокот на новогодишните празнувања во Скопје. На почетокот…

  • Со закон се уредува управувањето на електрични тротинети, се укинуваат негативните поени за возачите

    Со закон се уредува управувањето на електрични тротинети, се укинуваат негативните поени за возачите

    Комисијата за одбрана и безбедност денеска за понатамошно читање предложи измени и дополнувања на 14 закони, кои генерално како што појасни министерот за внатрешни работи…

  • Работилница во Народната банка: Ќе се подготвува Национална стратегија за поддршка на развојот на финтек-секторот

    Работилница во Народната банка: Ќе се подготвува Национална стратегија за поддршка на развојот на финтек-секторот

    На иницијатива на Народната банка ќе се подготвува Национална стратегија за поддршка на развојот на финтек-секторот кај нас. Заради нејзино успешно спроведување ќе се преземат…

  • Охрабрувачки податоци – раст на економијата и пад на невработеноста

    Охрабрувачки податоци – раст на економијата и пад на невработеноста

    Државната статистика излезе со охрабрувачки податоци – во третиот квартал од годинава економијата пораснала за 3.6%, а невработеноста се намалила на 17.1%. Економијата пораснала за…

  • Започна саемот „Купи куќа, купи стан“ во Скопје Сити Мол

    Започна саемот „Купи куќа, купи стан“ во Скопје Сити Мол

    Денеска започна саемот „Купи куќа, купи стан“ во Скопје Сити Мол, каде граѓаните ќе можат да се информираат целосно за проектот на едно место –…

  • УЈП почна со исплата на парични средства по основ на МојДДВ

    УЈП почна со исплата на парични средства по основ на МојДДВ

    Управата за јавни приходи (УЈП) започна со исплата на парични средства согласно Законот за враќање на дел од ДДВ кај физичките лица. Повратот од 15…

  • До крајот на годината вработените треба да добијат регрес за годишен одмор, популарно наречен К-15

    До крајот на годината вработените треба да добијат регрес за годишен одмор, популарно наречен К-15

    На сметките треба да легнат по најмалку 9.610 денари К-15 се пресметува врз основа на просечната нето или бруто плата во изминатите три месеци (40%…