Директорката на Меѓународниот монетарен фонд (MMF) во заминување, Кристин Лагард, го оцени глобалниот раст како „кревок“ и „ранлив“, како резултат на тензиите во трговските односи.
Во интервју за агенцијата France Presse од Вашингтон, Лагард изјави дека експанзијата е „просечна“.
Таа ги повика лидерите да се вклучат во дијалог и да се обидат „да ги решат неизвесните прашања ширум светот“.
„Без разлика дали станува збор за трговски односи, Брегзит, технолошки закани, тие проблеми ги создал човек и човек може да ги реши“, изјави Лагард.
Кристин Лагард поднесе оставка на местото шефица на MMF за да го преземе раководството на Европската централна банка.