Претседателот на Европската комисија, Жан-Клод Јункер изјави денеска дека ризикот Велика Британија да ја напушти ЕУ без договор за излез и понатаму останува „многу реален“.
Говорејќи пред Европскиот парламент, Јункер изјави дека таквиот брегзит „може е избор на Велика Британија но никогаш нема да биде избор на ЕУ“.
Европскиот парламент денес расправа за Брегзит и ќе донесе резолуција во која ќе бидат наведени нејзините проблеми.
Главниот камен на сопнување во договорот за Брегзит е решение за ирската граница, таканаречениот „застој“, според кој Велика Британија би морала да задржи некои трговски правила на ЕУ.
Јункер изјави дека „не е сентиментално врзан за застојот“ но дека е врзан за целта на таа одредба.
„Барав од британскиот премиер да назначи алтернативни аранжмани кои имаат смисла“, изјави Јункер, кој со премиерот Борис Џонсон разговараше во понеделникот.
