Бензинот Еуросупер БС – 95 од денеска се поевтини за половина денар, а за тој износ поскапе дизелот и екстра лесното масло за домаќинства, така одлучи вчера Регулаторната комисија за енергетика (РКЕ).
Новата цена на литар Еуросупер БС-95 изнесува 66,5 денари, а Еуросупер БС-98 и натаму ќе се продава по 69 денари.
Литар еуродизел (ДЕ V) сега чини 61,50 денари, а Екстра лесното масло за домаќинство (ЕЛ01) 51,5 денари.
Цената на мазуотот М-1 HC се намали за 0,664 денари за килограм и ќе изнесува 31,147 денари.
Малопродажните цени на нафтените деривати во просек се намалуваат за 0,21 процент. Одлуката на РКЕ е донесена врз основа на цените на нафтените деривати на светскиот пазар и курсот на денарт во однос на доларот во изминатите седум дена.