Отворени 195 илјади работни места во приватниот сектор во САД во август

Во приватниот сектор во САД во август се отворени 195 илјади работни места, најмногу во последните четири месеци.

Најголем раст на вработувања е регистриран во услужниот сектор, вкупно 184 илјади, според извештајот на приватната агенција за вработување АДП.

Ова е најголем скок на бројот на нови вработувања од април. Во јули биле отворени 142 илјади работни места.