Европските лидери ветија дека ќе ја зајакнат борбата против невработеноста кај младите, но не понудија никакви нови мерки ниту финансиски средства на состанокот кој критичарите го оценија како „претстава за јавноста“, наменета исклучиво поради тоа германската канцеларка Ангела Меркел пред претстојните избори во септември да се претстави како бранител на невработените Европејци.
На конференцијата за новинарите по состанокот, Меркел истакна дека е потребнo да се донесат ефикасни работни правила и едукативни програми.
Сепак, европските лидери не објавија никакви детали, најавувајќи дека во ноември ќе го проценат напредокот од промените.
„Ние самите поставивме високи барања, бидејќи знаеме дека очекувањата од овој состанок се големи“, изјави Меркел. Јасно е дека проблемот не можеме да го решиме преку ноќ, но мора да постигнеме напредок до наредниот состанок“, додаде таа.
Берлинскиот Самит е одржан во време на тешка политичка криза во Португалија, чија влада е на работ на пропаѓање, откако неколку министри дадоа оставка поради несогласувањето со мерките за штедење наметнати од ЕУ.