29 март, 2024
ПочетнаАВТОБИЗНовата Opel Astra ќе има премиера на престојниот саем на автомобили во...

Новата Opel Astra ќе има премиера на престојниот саем на автомобили во Франкфурт

До 21 отсто понизок СО2: Најефикасна Astra на сите времиња

Риселхајм. Новата Opel Astra ќе ја има светската премиера на меѓународниот автомобилски саем IAA во Франкфурт (отворени денови за посетители од 12 до 22 септември). Лимузината со пет врати (од 19.990 евра, сите ценисе со вклучен ДДВ во Германија) и Sport Tourer (од 20.990 евра) веќе се достапни за нарачка и се нуди со нивоата на опременост GS Line, Elegance, Ultimate и како „120 години“ како специјален модел. Оваа нова Astra е најефикасна досега со дури 21 отсто помала емисија на CO2 од претходната генерација. Пет од седумте комбинации на погоснки агрегати кои се нудат дури и се под магичната граница од 100 грама на емисија на CO2 на километар. Со целосно нова генерација на мотори и менувачи, Opel Astra поставува стандарди за ниски емисии, ставајќи се на врвот на компактната класа.

Ултра модерни три-цилиндрични бензински и дизелски мотори на Astra – бензин и дизел, од 77kW / 105 КС до 107 kW / 145 КС (потрошувачка на гориво NEDC: урбана 6,4-4,3 л/100 км, екстра-урбано 4,2-3,2 л/100 км. комбинирано 5-3,6 л/100 км., 125-94 г/км CO2; потрошувачка на гориво WLTP: комбиниранао 6,2-4,4 л/100 км., 147-117 г/км. CO2) – не само што обезбедуваат добри перформанси, туку и врвна удобност. Контра-ротирачката рамнотежа на вратилото во блокот на трицилиндричните мотори ги неутрализира несаканите вибрации. Основните погонски агрегати веќе имаат шестстепен мануелен менувач како стандард. Новиот автоматски менувач и оној деветстепен автоматски менувач кој лесно менува исто така придонесуваат за помала потрошувачка и голема удобност.

Прецизниот развој во воздушен тунел, исто така, даде значаен придонес во намалувањето на потрошувачката на гориво и емисијата на CO2. Со 0.26 Cd, Sport Tourer припаѓа на караваните со најнизок коефициент на отпор на воздухот, додека моделот со пет врати со иста вредност ја предводи класата на хечбек возила. Како резултат на тоа, новата Astra е една од најаеродинамичните компактни автомобили на пазарот.

Спортската шасија на Astra е дополнително развиена. Новите амортизери ја зголемуваат удобноста. Опционалната динамична шасија има поцврсти амортизери, подиректно управување и Watts линк на задната оска.

Благодарение на најнапредните технологии за намалување на емисиите, како што се филтерот за честички на бензин (GPF), и селективноto намалување на катализата кај дизелот (SCR), сите нови мотори на Astra веќе ги исполнуваат идните стандарди за емисија – Euro 6d. Сите нови алуминиумски мотори се опремени како  стандард со технологија за стоп/старт за заштеда на гориво.

Целосно дигитализирана: нова предна и задна камера, дигитален брзиномер

Opel Astra веќе нуди портфолио на најсовремени технологии и системи за помош што е незамисливо во оваа класа на возила – пред сè адаптивно, без отсјај IntelliLux LED® матрикс светла. Новата Astra е исто така достапна со опционални дополнителни енергетски ефикасни LED фарови со 13 вати. Astra е исто така високо дигитализиран со нова опционална високо-технолошка предна камера, како и со задна камера.

Новата предна камера е помала и помоќна од порано, благодарение на побрзиот процесор. Сега детектира и пешаци. Дигиталната камера на задниот дел која е достапна заедно со новиот Инфозабавен систем Multimedia Navi Pro е исто така помоќна, a сликата на дисплејот sе поостри.

Клиентита на Astra уживаат во врвната поврзаност со системите Apple CarPlay и Android Auto што се компатибилни со Multimedia Radio, Multimedia Navi и Multimedia Navi Pro. Најдобриот мултимедијален Navi Pro – како во Opel Insignia – има осум-инчен екран на допир во боја. Може да се индивидуализира и да се управува со гласовна контрола. Поврзаните услуги за навигација го прават патувањето порелаксирано. Самиот навигациски дисплеј е со редизајнирани симболи со посовремен изглед. Истото важи и за кластерот за инструменти: возачите на новата Astra се првите што имаат дигитален брзиномер. Системот за итни случаи eCall нуди дополнителен мир.

Возачко задоволство: безжично полнење и Bose аудио систем

Практична карактеристика при патување: компатибилните паметни телефони сега можат исто така да се полнат индуктивно преку безжично полнење.

Новата Astra се претвора во концертна сала со опционалниот аудио систем на Bose со седум звучници, вклучувајќи го Rich Bass субвуфер.

На крај, но не и најмалку важно, новата Astra воведува уште една комфорна карактеристика што го прави возењето во студената сезона попријатно и побезбедно: загреанaта шофершајбна.

Новата Opel Astra поставува стандарди во својата класа со овие врвни технологии, како и со потрошувачка на гориво за пример и вредностите на CO2 и за дизел и за бензински мотори.

НАЈНОВИ ВЕСТИ

ХОРОСКОП