29 март, 2024
ПочетнаТЕХНОЛОГИЈАНајдобрите Андроид апликации во 2012 година

Најдобрите Андроид апликации во 2012 година

appl1

Компанијата „Google“ ги избра најдобрите Андроид апликации за смарт телефоните или таблетите кои ја одбележаа 2012 година.

„Zappos“ е најдобрата апликација за онлајн купување преку мобилен уред, додека пак „Evernote“ е најдобар потсетник и личен планер, пренесува сајтот „BusinessInsider.com“.

Меѓу избраните се и апликацијата „Pinterest“, која се појави во 2012 година, и им овозможи на корисниците да споделуваат фотографии, видеа и други содржини, како и интерактивната бајка „Снежана“ од браќата Грим (Grimm’s Snow White), наменета за деца.

„Google“ смета дека „Pocket“ е најдобрата апликација која овозможува читање на интересни текстови и кога корисниците не се приклучени на интернет, додека пак, за патниците е препорачана „Expedia“ апликацијата, која им ги овозможува најзначајните информации за бројните туристички дестинации.

Доколку некој сака да го истражи своето семејно стебло, тука е „Ancestry“, за електронско купување „The Fancy“, а за контрола на личните финансии „Google“ ви го препорачува „Mint“.

Меѓу најдобрите апликации е и водичот за серии „Series Guide Show Manager“, „Pixir Express“ за обработка на фотографии и „TED“, апликација која на корисниците им овозможува дружење со некои од најдобрите научници, бизнисмени и музички легенди.

Таварес Форд, менаџерот на „Google“ за „Play Store“ (онлјан продавница за апликации), рече дека некои од апликациите настанале во текот на 2012 година, додека, другите претрпеле значајни унапредувања кои обезбедија подобра функција.

Според неговите зборови, повеќето апликации се достапни низ целиот свет, и пружаат извонредно искуство и на таблетите и на смартфоните.

НАЈНОВИ ВЕСТИ

ХОРОСКОП