Ирска ќе се обиде да го блокира договорот за слободна трговија меѓу Европската унија и јужноамериканскиот трговски блок Меркосур.
Тоа ќе го стори ако Бразил не преземе мерки за заштита на дождовната шума Амазон, изјави ирскиот премиер Лео Варадкар.
Тој е многу загрижен поради уништувањето на дождовните шуми во Бразил кое достигна рекордно ниво.
”Нема шанси Ирска да гласа за договор за слободна трговија меѓу ЕУ и Меркосур доколку Бразил не ги исполни своите обврски за животната средина”, порача Варадкар.