29 март, 2024
ПочетнаЕКОНОМИЈАДоларот зајакна, еврото ослабе

Доларот зајакна, еврото ослабе

На светските пазари вредноста на доларот во однос на другите валути минатата недела се зголеми, компензирајќи ги загубите од една недела претходно, додека еврото ослабе бидејќи се очекува Европската централна банка веќе во септември да ја олесни монетарната политика за да се спротивстави на ризиците од рецесија.

Индексот на доларот, кој ја покажува американската вредност во однос на другите шест најголеми светски валути, се зголеми минатата недела за 0,7 проценти, на 98,19 поени.

Притоа, американската валута во однос на европската валута доби 1 процент, па цената на еврото се спушти на 1.1090 долари.

Во однос на јапонската валута, доларот порасна за 0,7 проценти на 106,35 јени.

Растот на американската валута во однос на европската дојде по сигналите дека Европската централна банка (ECB) наскоро би можела да ја олесни монетарната политика поради слабоста на економијата во еврозоната.

НАЈНОВИ ВЕСТИ

ХОРОСКОП