Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

Нова Opel Corsa: Започнува шестото поглавје на успешната приказна

Време: 10:11

Датум: август 15, 2019

Категорија: АВТОБИЗ

  • Директна рута до мулти-милионски бестселер: над 13,6 милиони Opel Corsa возила продадени за 37 години
  • Пионер: Opel воведува врвни технологии од повисоките класи во мал автомобил
  • Подготвен за иднината: Corsa број шест исто така со електрична верзија за прв пат
  • Светска премиера: новaта Corsa и Corsa-e на саемот за автомобили IAA во Франкфурт 2019 година

Риселхајм. Почетокот беше со Opel Kadett, претставен во 1936 година. Автомобил за мобилност на сите, „Kadett“ беше поволен автомобил по прифатлива цена, во време кога моторизaцијата беше сè уште луксуз. Брендот Opel тогаш се појави во ерата на „економското чудо“ на Германија во текот на 1960-тите од минатиот век и раните 70-ти, со доаѓањето на Kadett A и B. Во овој процес, Kadett се приближи до средната класа големина со секоја нова верзија.

Bреме беше да се пополни празнината со нов, оригинален мал автомобил – доаѓа Opel Corsa. Уште од нејзиното претставување во 1982 година, малата Corsa беше успешна приказна за Opel. До денес, повеќе од 13,6 милиони возила излегоа од производната линија. Со светската премиера на новата Opel Corsa на Меѓународниот автомобилски саем IAA Франкфурт 2019 (отворени денови од 12 до 22 септември), најпродаваниот мал автомобил сега го отвора шестото поглавје. Како и обично со многу технологии кои клиентите инаку ги знаат само од повисоки класи на возила и оптимално опремен за сите идни барања. Opel Corsa за прв пат е достапна и во чисто електрична верзија.

Прв дел: 1982 до 1993 година

Corsa A се карактеризираше со пропорции во должина од само 3,62 метри. Беше со задебелени лакови, со тркала како рели автомобил и исклучително низок коефициент на аеродинамика од 0,36 што беше веројатно рекорден за својата класа. Главниот дизајнер Ерхард Шнел создаде спортски мал автомобил со јасни, извајани линии, со намера да му се допадне особено на „главата во куќата“. Врв на понудатат беше Corsa GSi од 100 КС, а воведен е и дизелски мотор. Понудата со две врати беше проширена во 1985 година со додавање на популарниот модел и верзија со пет врати. Corsa А стана високо ценет, најпродаван модел со 3,1 милиони единици.

Втор дел: 1993 до 2000 година

И покрај успехот на Corsa број 1, донесена е одлука во Риселхајм да се постави наследникот како вистински „миленик на дамите“. Легендарниот дизајнер на Opel, Хидео Кодама започна да работи и создаде многу заоблена, помека Corsa, со привлечни светла кои совршено се вклопуваат во симпатичниот детски изглед. Corsa B беше десетина сантиметри подолга и многу попространа во внатрешноста од претходникот. Исто така, воведе повисоки безбедносни стандарди во својот сегмент, вклучително АБС сопирање, заштита од несакани удари и предни воздушни перничиња. За специјални пазари, веднаш до хечбек верзијата, Opel повторно понуди ночбек, како и караван верзија и пик-ап варијанта. Бензинските мотори веќе имаа технологија за вбризгување на гориво и каталитички конвертори, додека GSi имаше 16 вентили, а дизел моторот сега беше со турбо-полнач. Втората Corsa беше успешна ширум светот, а продажбата стигна до четири милиони.

Трет дел: 2000 до 2006 година

Во духот да не се менува победничкиот тим, Хидео Кодама повторно беше замолен да го дизајнира обликот на Corsa C. Стилот беше свесно ориентиран кон неговиот успешен претходник. Corsa повторно порасна за десет сантиметри во должина и имаше поширок став со подолго меѓуоскино растојание, што значително го зголеми внатрешниот простор. За прв пат, шасијата беше целосно галванизирана. Софистицираните четири-вентилски ECOTEC бензински и новите турбо дизел мотори со директно вбризгување обезбедија висока моќност, мала потрошувачка на гориво и најниски вредности на емисија – сите варијанти веќе ги исполнија Еуро 4 стандардите. Corsa C исто така стана ѕвезда со продадени 2,5 милиони единици.

Четврти дел: 2006 до 2014 година

Отсега, верзиите со три и пет врати се разликуваат: Corsa со три врати има уникатен, купе-стил, насочен кон спортскитe клиенти, исто како и оригиналниaтa Corsa A.  Варијантата со пет врати станува пространа, целосно семеен автомобил. Corsa D имаше помалку од четири метри во должина, порасна на точно 3,999 метри. Со ecoFLEX технологијата на Opel, Corsa имаше системи за старт / стоп заштеда на горивото и високо ефикасни мотори. Онаа 1.3 CDTI ecoFLEX верзијата трошеше само 3,3 л/100 км во текот на комбинираниот циклус и испушташе само 88 г/км CO2. Четвртата генерација на Corsa продаде над 2,9 милиони единици. 

Петти дел: 2014 до 2019 година

Динамична, практична и стилска, Corsa E е исто така бестселер со околу 1,2 милиони продадени единици до денес. Петтата генерација се произведува и во погоните на Opel во Сарагоса и во Ајзенах како варијанти со три врати и пет врати. За прв пат, малата ѕвезда со должина до четири метри, нуди голема удобност и врвни технологии во должина од 4,02 метри. Управувач што се грее, греење на седиштата и автоматската контрола на климата се секако во понудата, како и предната камера со индикатор за оддалеченост, препознавање на сообраќајни знаци и Lane Keep Assist. Возачите на Corsa се оптимално поврзани со инфо-систем преку Apple CarPlay и Android Auto, вклучително и со седум-инчен екран во боја чувствителен на допир. Спортскиот модел што е врв на понудата на на малиот автомобил првично има 152kW (207 КС) Corsa OPC, а подоцна и Corsa GSi со 110kW (150 КС).

Шести дел: 2019 година – воведена електрична верзија

Opel напредува со полна брзина во иднината со Corsa број 6. Најновата генерација на малиот автомобил, која ќе ја прослави својата светска премиера на годинашниот меѓународен саем во Франкфурт, е исто така достапна како целосно електрична верзија за прв пат. Вистински белег е адаптивниот сноп на светлина на матрикс IntelliLux LED® светлата без отсјај, што Opel ја нуди и за прв пат во сегментот на мали автомобили. Покрај тоа, постојат бројни најсовремени системи за помош, како што се предупредување за судир со автоматско сопирање во итни случаи и детектирање на пешаците, како и адаптивна контрола на брзина што го прави возењето уште побезбедно и порелаксирано. Со должина од 4,06 метри, управувањето на Corsa со пет места и практичноста остануваат за пример. Линијата на купе на покривот е за 48 милиметри пониска од претходната – без никаква штета на просторот за глава. Возачот седи за 28 милиметри пониско. Нискиот центар на гравитација придонесува за добро возење и управување. Новата Corsa е подиректна и подинамична – за повеќе забава зад воланот.

КОМЕНТАРИ

НАЈНОВО ОД КАТЕГОРИЈАТА

  • AUTOBEST награди за новата Opel Corsa и за Лохшелер, извршниот директор на Opel

    AUTOBEST награди за новата Opel Corsa и за Лохшелер, извршниот директор на Opel

    „Best Buy” автомобил во Европа за 2020: Corsa победи по трет пат на AUTOBEST „MANBEST 2019“: Извршниот директор Мајкл Лохшелер е менаџер на годината Голема…

  • Новата Opel Corsa ја доби наградата „Connected Car“

    Новата Opel Corsa ја доби наградата „Connected Car“

    Новата Corsa има најдобра поврзаност во сегментот на мали и компактни автомобили Шефот на Opel, Мајкл Лохшелер ја прими наградата во Риселсхајм Новата Corsa и…

  • Бугарија сака да ја донесе Tesla

    Бугарија сака да ја донесе Tesla

    Бугарија комуницира со компанијата Tesla за потенцијално вложување на американскиот производител на електрични автомобили во фабрика во оваа земја, јавуваат локалните медиуми, цитирајќи го министерот за…

  • Северен Кипар го претставува својот прв автомобил

    Северен Кипар го претставува својот прв автомобил

    Северен Кипар се подготвува да и претстави на јавноста прототип на првиот модел на првиот домашен автомобил. Прототипот е резултат на долгогодишна работа на Near East…

  • Стотици мали компании ќе учествуваат во производството на првиот турски автомобил

    Стотици мали компании ќе учествуваат во производството на првиот турски автомобил

    Турски TOGG (Turkey’s Automobile Joint Venture Group) планира да потпише договори со 114 компании кои ќе бидат нивни добавувачи во процесот на производство на турскиот електричен…

  • Ова е новиот Audi S3 (видео)

    Ова е новиот Audi S3 (видео)

    Audi A3 четвртата генерација ќе има светска премиера на претстојниот саем за автомобили во Женева, а британските новинари веќе имаа шанса да ја испробаат неговата…

  • Тивко влечење: Opel Grandland X со електричен погон на сите тркала

    Тивко влечење: Opel Grandland X со електричен погон на сите тркала

    Најсовремен 4×4: плаг-ин хибриден СУВ на Opel со електричен погон на сите тркала Четири режими на возење: „Електричен“, „хибриден“, „погон на сите тркала“ и „спорт“…

  • Продажбата на електрични автомобили во ЕУ скоро двојно зголемена

    Продажбата на електрични автомобили во ЕУ скоро двојно зголемена

    Повеќе од 290.000 електрични автомобили биле продадени во Европската унија минатата година, што е скоро двојно повеќе од 2018 година, покажуваат податоците на Европската асоцијација…

  • Ford смисли решение против кражба на тркала од автомобили (видео)

    Ford смисли решение против кражба на тркала од автомобили (видео)

    Инженерите на Ford смислиле прилично интересно решение за да ги спречат крадците да украдат тркала од автомобили. Дизајнирале специјални навртки за заклучување на тркалата кои се…

  • Британија до 2035 година забранува бензинци, дизел и хибридни возила

    Британија до 2035 година забранува бензинци, дизел и хибридни возила

    Велика Британија ќе забрани продажба на нови бензински, дизел и хибридни автомобили од 2035 година, пет години порано од планираното, обидувајќи се да го намали…