Американската федерална управа за цивилна авијација забрани внесување во авиони на модели на преносни компјутери МакБук Про на Епл, поради опасност дека батериите би можеле да предизвикаат пожар.
Во јуни Епл соопшти дека ќе повлече од пазарот одреден број лаптопи МакБук Про со екран од 15 инчи, бидејќи батериите може да предизвикаат пожар по извесно време на користење. Станува збор за уреди што се продавале меѓу септември 2015 и февруари 2017 година.
