Компанијата „Samsung“ објави дека успеале да продадат преку 20 милиони примероци од моделот „Galaxy S4“ во првите два месеци од кога овој паметен телефон се најде на пазарот.
Овие информации најверојатно пристигнуваат од претседателот на компанијата Шин и со тоа би требало да се стави крај на шпекулациите за слабата продажба на овој уред.
„Galaxy S4“ како најнов паметен телефон со оперативен систем „Android“ на компанијата „Samsung“ е пуштен во продажба од крајот на април и достигна бројка од 20 милиони продадени единици до крајот на јуни. Со тоа овој уред успеа да докаже дека е подобро породаван паметен телефон од својот претходник моделот „Galaxy S 3“, кој оваа бројка ја достигна за 100 дена од стартот на продажбата.
