На меѓународниот аеродром во Сан Франциско ќе биде забранета продажбата на пластични шишиња со вода. Одлуката стапува во сила на 20 август, објави „Сан Франциско хроникл“.
Новото правило ќе важи за рестораните, кафулињата и апаратите на аеродромот. Патниците ќе може да купат вода за пиење во стаклени или алуминиумски амбалажи.
Ваквата одлука на аеродромот следи откако локалните власти во 2014 година донесоа забрана за продажба на вода во пластична амбалажа на имот кој е во сопственост на градот.
