Продажбата на пиво во Германија падна во првата половина од годината на 4,6 милијарди литри, што е најмалку во модерното време, соопшти Федералниот завод за статистика.
Производителите на пиво веруваат дека падот на продажбата за 2,7 проценти во однос на истиот период минатата година беше резултат на постудениот мај и зголемената продажба во јуни минатата година, на почетокот на Светското фудбалско првенство.
Пивата, измешани со освежителни пијалоци, кои сочинуваат пет проценти од вкупната продажба, забележале малку помал пад од 1,5 проценти.
Во статистиката не се вклучени сите популарни безалкохолни пива, објави DPA.