Британската фунта ослабна денес во однос на доларот на најниско ниво во последните 30 месеци во страв дека земјата би можела да ја напушти ЕУ на 31 октомври без трговски договор со европскиот блок.
Фунтата ноќеска во Азија ослабе на 1,2101 во однос на доларот, што е најмалку од јануари 2017 година, откако американските Федералните резерви ја намалија основната каматна стапка.
Во првите часови на тргување со валути во Европа, фунтата се продаваше за 1.211 долари.
Британската валута минимално го промени курсот во однос на еврото, за кој се добива 0,911 фунти.
Фунтата изгуби повеќе од четири проценти во јули, кој беше нејзиниот најлош месец од октомври 2016 година, откако новиот премиер Борис Џонсон вети дека земјата ќе излезе од ЕУ на 31 октомври, без оглед дали има договор со Брисел или не.