Меѓународната употреба на еврото минатата година е значително намалена поради должничката криза во земјите кои ја користат оваа валута, соопшти Европската централна банка.
Уделот на еврото во девизните резерви на централните банки минатата година е намален од 25,1 проценти на 23,9 проценти, соопштија од ЕЦБ, пренесува агенцијата АП.
Во меѓувреме, земјите ги зголемија резервите во валути од земјите со силни економии, како што се Австралија и Канада.
ЕЦБ, исто така, соопшти дека минатата година компаниите емитувале помалку обврзници поврзани со еврото.
Еврото, сепак, и понатака е втората најважна светска резервна валута зад доларот.
