Германската канцеларка Ангела Меркел ја отфрли можноста да разговара околу новиот отпис на долгови за Грција и оцени дека Грција добро напредува.
На Грција во април минатата година во рамките на меѓународната помош и беа отпишани 100 милијарди евра од долгот кон инвеститорите од приватниот сектор, поради што тие претрпеа големи загуби.
Често се зборува и за можноста за нов отпис на долгови. Ангела Меркел, сепак, на прашањето на новинарите изјави „Јас не гледам дека тоа ќе се случи“.
„Грција напредува благодарение на реформски ориентираната влада на Антонис Самарас“, изјави Меркел.
Во Германија во септември ќе се одржат парламентарни избори, пред кои Ангела Меркел останува на цврстиот став за штедлив пристап кон европската должничка криза.
