Започна масовната акцијата за чистење и собирање на кабаст отпад организирана од Град Скопје на која ќе се приклучат сите јавни претпријатија и општини на територијата на градот Скопје.
Екипите на ЈП Водовод и канализација – Скопје активно ја подржуваат оваа акција со 256 вработени кои на 26 и 27 јули ќе го собираат отпадот на скопските улици. Покрај вработените од страна на претпријатието ќе бидат ангажирани и 12 средни товарни возила, 15 мали товарни возила, 4 скипа и 2 камиони распределени во двата дена.
“Апелираме до сите граѓани да се приклучат во оваа акција и со тоа да учествуваат во создавање на здрава и чиста животна средина!”, велат од ЈП Водовод и Канализација.
