Меѓународната агенција за енергија (IEA) не очекува значителен раст на цените на нафтата, бидејќи побарувачката се забавува и бидејќи на глобалниот пазар ”црното злато” има вишок на понуда, изјави денес Фатих Бирол, извршен директор во IEA.
“Не се очекува дека електричните возила ќе ја погодат побарувачката за сурова нафта во Индија и во другите делови во светот”, изјави Бирол, додавајќи дека тој верува дека побарувачката во Индија ќе продолжи да расте.
IEA ја намалува нејзината проценка за побарувачка на нафта за 2019 година поради забавување на глобалната економија до кое дојде поради американско-кинескиот трговскиот спор и можеби ќе се намали повторно ако глобалната економија, а особено Кина, покажува понатамошно слабеење, изјави Бирол.
