понеделник, 28 ноември 2022
ПочетнаЕКОНОМИЈАНа новинарите им е забрането да ја следат постапката за инспекторот Илиевски

На новинарите им е забрането да ја следат постапката за инспекторот Илиевски

Валерија Анастасова, претседателката на дисциплинската комисија, која треба да расправа за постапката со инспекторот Ѓорѓи Илиевски, пред почетокот на седницата на новинарите им рече дека не им е дозволено да присуствуваат на седницата.

„Присуство на новинарите не е дозволено“, рече Анастасова. На прашање зошто новинарите се непожелни на седницата, Анастасова рече дека требало претходно да бидат најавени.

Откако новинарите и’ појаснија дека сега во моментот се најавуваат, поради тоа што инспекторот инсистира на јавност, Анастасова упорно повторуваше дека присуството на медиумите на седницата е недозволено и дека лице задолжено за јавност ќе дало изјава по седницата.

Портпаролот на излегување праша кој ги пуштил новинарите во зградата и рече дека ќе имало изјава по завршувањето на седницата.

Дисциплинската постапка е закажана откако инспекторот Илиевски објави дека незаконски биле унапредени јавни функционери во наставно-научни звања на Државниот универзитет во Тетово (Арбер Адеми, Агим Нухиу, Сафет Емрули).

Постапката ја покрена Африм Саљиу, раководител на секторот за високо образование, а дисциплинската постапка за утврдување дисциплинска одговорност е испратена со потпис на директорот на ДПИ, Томе Спировски.

НАЈНОВИ ВЕСТИ

ХОРОСКОП