Телекомуникацискиот оператор Vodafone ја започна во вторникот првата комерцијална 5G мобилна мрежа во Германија. Мрежата има 25 предаватели во Дизелдорф, Келн, Дортмунд и некои други градови, објави германската новинска агенција DPA.
Корисниците на Vodafone ќе можат да ја користат мрежата денес, а користењето на оваа брза врска ќе ги чини дополнителни пет евра месечно. Vodafone во моментов нуди уреди на производители кои овозможуваат поврзување на 5G, Huawei и Samsung.
5G Vodafone мрежата сè уште е многу ограничена – компанијата во Германија обезбедува 4G врска со 25.000 базни станици. Во август бројот на станици за 5G би требало да се зголеми на 50.
“Оваа година имаме намера да развиваме и собираме одговори”, изјавил Герхард Мек од Vodafone, додавајќи дека планираат да ја забрзаат изградбата на мрежата во 2020 година и да изградат базни станици за 5G.
На крајот на следната година, секој осми Германец ќе живее на дофат на 5G станица, а една година подоцна, секој четврт. Додаваат дека ќе ги користат постоечките 4G станици, така да “нема да видиме многу повеќе антени отколку што се сега”, изјавил Мек.
