Цената на златото би можела да продолжи да расте дури и откако минатата недела достигна повеќегодишен максимум.
Минатиот месец цената на овој драгоцен метал достигна 1.422 долари за унца, што е најголемо ниво во последните шест години. И покрај благиот пад во понеделникот, експертите сметаат дека до крајот на годината цената на златото ќе изнесува 2.000 долари, пишува CNBC.
Инаку, извонредниот тренд е предизвикан од неодамнешните намалени очекувања на каматните стапки на Федералните резерви и засилените геополитички проблеми.
Моменталната цена на златото изнесува 1.406 долари за унца.
