Рускиот претседател Владимир Путин и претседателот на Соединетите Американски Држави Доналд Трамп одржаа билатерален состанок на маргините на самитот на лидери на земји Г20.
Путин и Трамп се состанаа на маргините на самитот во Јапонскиот пристанишен град Осака, а од московски Кремљ е соопштено дека разговарале за ситуацијата во Иран, Сирија, Украина и Венецуела.
Двајцата лидери зад затворени врати разговараа еден саат и 20 минути.
“Ќе биде тоа многу интересен разговор, кој ќе вклучува теми за трговијата, економијата, демилитаризацијата, заштитата и сето тоа ќе биде засновано на добри односи што сме ги изградиле”, изјави Трамп на самиот почеток на средбата со Путин.
Во средата новинарите го прашаа Трамп да ја искоментира средбата со Путин, на што Трамп изјавил дека не се загрижува за што ќе разговараат.
Без оглед што Трамп ужива необично близок и доверлив однос со Путин, американско-руските односи од 2014 година бележат тренд на назадување. САД воведоа низа дипломатски санкции против Русија по нејзината илегална анексија со Крим.
