Претседателот на САД, Доналд Трамп сепак ќе се состане со претседателот на Русија, Владимир Путин, во контекст на самитот на Г20 кој ќе се одржи во јапонскиот град Осака на 28-29 Јуни, изјави за новинарите висок претставник на американската администрација.
“Трамп ќе се сретне со голем број на светски лидери, меѓу другите, и со премиерот на Австралија Скот Морисон, јапонскиот премиер Шинзо Абе, премиерот на Индија, Нарандом Моди, канцеларката на Германија, Ангела Меркел, претседателот на Русија, Владимир Путин , наследниот принц на Саудиска Арабија Мухамед бин Салман, претседателот на Кина, Си Џинпинг, претседателот на Турција, Реџеп Таип Ердоган”, изјавил претставник на администрацијата.
Како што се очекуваше, двајцата лидери ќе разговараат пред се за регионалната безбедност: за Иран, Украина, Сирија, Блискиот Исток, а ќе бидат опфатени и теми за контрола на вооружувањето и унапредување на билатералните односи и кризата во Венецуела.
Тој не прецизирал точно време за состанокот со Путин.
Долго време се шпекулацираше за состанокот на двајцата лидери на претстојниот самит на Г20. Меѓутоа, портпаролот на Кремљ, Дмитриј Песков, претходно изјавил дека средбата може да се случи и пред самитот на Г20.
