Рударењето и тргувањето со криптовалутата Биткоин бара многу струја, а со тоа предизвикува сериозно загадување на животната средина, бидејќи се остава значителен јаглерод диоксид.
Секоја година Биткоинот генерира околу 22 мегатони емисија на CO2, проценуваат истражувачите, кои повторно предупредија на проблемот со загадувањето што го прават криптовалутите.
Криптовалутите како Биткоинот зависат од блокчејн технологијата за валидација на трансакциите, како што е, на пример, пренос на средства.
Сепак, овој процес на проверка користи огромни количини на електрична енергија, што предизвикува сериозни емисии на јаглерод, предупредува истражувањето на научниците од Техничкиот универзитет во Минхен и на Институтот за технологија во Масачусетс.
За да се процени потрошувачката на енергија, авторите на студијата користеле IP адреси и хардверски податоци.
Авторите напишале дека нивната студија истакнува потенцијални негативности на блокчејн технологијата кои би требало да се размислат поубаво од страна на креаторите на политиката на криптовалутите.
“Се разбира, постојат поголеми фактори кои допринесуваат за климатските промени. Сепак, присуството на јаглерод е доволно голем за да се разгледа можноста за регулирање на рударењето на криптовалути во региони каде што производството на електрична енергија е особено интензивна”, вели еден од авторите, Кристијан Стол, кој беше цитиран од страна на CNN .
За подобрување на еколошката рамнотежа, една можност би била, да се поврзат повеќе рударски фарми со дополнителен обновлив енергетски производствен капацитет, велат истражувачите.
