Вистинска драма се случи утринава на аеродромот во Дубровник, кога авион „ербас А320-232“ на „Туркиш ерлајн“, од Истанбул пријави проблем на хидрауличниот систем на шасијата за време на слетувањето.
Како што објави порталот „Авиорадар“, пријавено е дека авионот слетал со отворени врати на стојниот трап и на багажниот простор.
Иако сите служби за итна помош веднаш беа ставени во состојба на подготвеност, авионот слета безбедно околу осум часот наутро без никакви интервенции.
