Според најновите информации кои пристигнаа од компанијата „Rovio“ една од најпознатите игри „Angry Birds Trilogy“ од 13 август ќе биде достапна и на конзолите „Wii“ и „Wii U“.
Претходно оваа игра се очекуваше да се појави и на конзолите на „Nintendo“ некаде во текот 2013-та година. Пакетот на игри кој го објави компанијата „Activision“ ги вклучува насловите „Angry Birds“, „Angry Birds Seasons“ и „Angry Birds Rio“, како и некои други со нови карактеристики.
Цената на овој пакет засега не е најавена, иако за „Xbox 360“ и „PlayStation 3“ чинат околу 30 долари, па така се очекува слична цена и за конзолите „Wii“ и „Wii U“. Во верзијата за „Wii U“ се очекува „Angry Birds Trilogy“ да вклучува и „offscreen“ играње, како и контролирање преку допирот на екранот.
Инаку за потсетување овој пакет моментално е достапен за „Xbox 360“, „PS3“ и „3DS“ и досега е продаден во преку 1 милион копии.
