Најскапиот јавен превоз во светот е во Лондон, Даблин и Оукленд, а најевтиниот во Буенос Аирес, Мумбаи и Мексико Сити, покажала годишната анкета на Deutsche Bank за цените и животниот стандард.
Анкетата на оваа банка вклучува 55 градови низ целиот свет, а разликите кои ги открила се огромни, додека во Лондон просечниот месечен билет за превоз е најскап и чини 155 евра, во Буенос Аирес е најевтин и чини помалку од 14 евра.
Цената во Даблин изнесува 115, во Оукленд на Нов Зеланд 112 евра, додека во Мумбаи и Мексико Сити месечен билет чини 15, односно 18 евра.
Меѓутоа анкетата е спроведена само на цената на превозот, а не и висината на приходот на оние кои го користат превозот, ниту квалитетот на услугите кои ги добиваат за тие пари. Освен споменатите три најевтини градови, тука се уште и Куала Лумпур во Малезија, Манила на Филипини и Њу Делхи во Индија, Ријад во Саудиска Арабија и Прага во Чешка.
Меѓу градови со најскап превоз, после Лондон, Даблин и Оукленд, се наоѓа Токио (110 евра), Њујорк (108), Сиднеј (108), Велингтон на Нов Зеланд (101), Торонто (96), Чикаго (96) и Мелбурн (92 евра), наведува Deutsche Bank.