Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 12,491.56 0.03%    AUMK 2,202.00 9.88%    GRNT 959.29 1.51%    KMB 6,200.23 0.02%    KVAS 14,604.00 -3%    MPT 64,201.86 -1.4%    PELK 500.00 0%    RMDEN17 99.00 0%    RMDEN18 99.00 0%    TEL 326.00 2.52%    TNB 16,990.00 -0.06%    TTK 1,300.00 0%    UNI 2,266.00 3%    VRDR 10.00 0%    

АЕК достави предлог и динамика за намалување на цените во роаминг со Грција

Време: 10:19

Датум: мај 20, 2019

Категорија: ЕКОНОМИЈА

Агенцијата за електронски комуникации (АЕК) до грчките колеги достави предлог и динамика за најавеното намалување на цените во роаминг  што, според меморандумот што го потпишаа двете држави, треба да стартува од летната сезона. Првата година по влегување во сила на меморандумот, според предлогот, цените за пренос на податоци во малопродажба би се намалиле за 93 проценти, на појдовни повици во малопродажба за 77 проценти, а кај СМС за 69 проценти.

Од АЕК за МИА изјавија дека од наша страна сме подготвени првичното поевтинување на услугите да почне од 1 јули годинава. Чекаат известување од грчкиот регулатор за електронски комуникации кога од нивна страна ќе бидат завршени националните процедури и ќе се исполнат предусловите за да може да се реализира најавата од потпишувањето на меморандумот на 19 февруари годинава од ресорните министри Никос Папас и Дамјан Манчевски.

Според предлогот на АЕК, првата година по влегување во сила на меморандумот  цените за пренос на податоци во малопродажба би се намалиле за 93 проценти. Конкретно, од 1 јули малопродажната цена за MB ќе изнесува 0,70 евра, една година подоцна 0,45 евра, а од јули 2021 година 0,20 евра. Процентуалното намалување на цената за појдовни повици во малопродажба, пак, во првата година би било 77 проценти. Појдовен повик од 1 јули треба да чини 0, 29 евра, во јули следната година да се намали на 0, 24 евра, а во јули 2021 година 0,19 евра. Цената на испратени СМС пораки од јули годинава би чинела 0,09 евра, а 0,08 евра, односно 0,06 евра од 2020 односно 2021 година, а за добиените пораки ќе бидат бесплатни. Кај пораките по првата година цените би се намалиле за 69 проценти.

Формирано координативно тело, се чека да завршат процедурите од грчката страна

Со Меморандумот се предвидува за негова примена да бидат одговорни националните регулаторни тела од двете држави (Агенцијата за електронски комуникации и Hellenic Telecommunications and Post Commission), а намалувањето на цените на роаминг услугите да биде со динамика и до ниво исто како цените на роаминг услугите дефинирани во Регулативата за роаминг услуги на европско ниво бр. 531/2012.

Двете регулаторни тела веќе воспоставија комуникација и го формираа координативното тело од двете институции кое што ќе работи на реализација и имплементација на одредбите од Меморандумот.

Земајќи ги во предвид сите околности Агенцијата ги извести колегите од регулаторот за електронски комуникации во Грција дека од наша страна можеме да започнеме со првично намалување на цените на роаминг услугите започнувајќи од јули 2019 година. Притоа Агенцијата ги зема во предвид минималните рокови пропишани со Законот за електронски комуникации за јавна расправа од 30 дена на Одлуката која што треба да ја донесе Агенцијата за намалување на цените на роаминг услугите, како и времето неопходно за да се направат измени на Законот за електронски комуникации со цел да се даде надлежност на Агенцијата да донесе ваква Одлука, велат од АЕК.

На нивниот предлог и динамика за примена на меморандумот, колегите од регулаторот во Грција ги известиле дека меморандумот се уште не е влезен во сила и оти се уште од нивна страна не се завршени сите национални процедури за да може да стартува примената. Им најавиле дека ќе ги известат најбрзо што може откако ќе се создадат неопходните предуслови.

Согласно член 10 од Меморандумот, тој ќе влезе во сила откако двете страни по дипломатски канали ќе известат помеѓу себе дека се завршени сите национални процедури за Меморандумот да може да влезе во сила. Имајќи во предвид дека наметнувањето на обврските на операторите за намалување на малопродажните и големопродажните цени за роаминг услуги во двете земји мора да бидат засновани на реципрочна основа и истите треба да бидат временски синхронизирани, понатамошните активности на Агенцијата ќе бидат усогласени со динамиката на создавањето на неопходните услови за имплементација на Меморандумот во Грција, појаснуваат од АЕК за МИА.

Роамингот во регионот од јули ќе поевтини за 50 до 70 проценти

Согласно со Спогодбата  за укинување на роамингот во западен Балкан, потпишана помеѓу државава, Србија, Црна Гора, БиХ, Албанија и Косово, од 1 јули годинава до јуни 2021 кога цените за роаминг услугите ќе исчезнат, се воведува преоден или транзитен период во кој операторите за роаминг услугите ќе може да наплаќаат само одреден дополнителен надомест на националните електронски комуникациски малопродажни цени.

Тој дополнителен надомест не може да биде поголем од околу три денари (0,05 евра) за роаминг појдовни повици. Додека пак малопродажната цена за влезните роаминг повици ќе биде околу 2,5 денари во првата година започнувајќи од 1 јули годинава, односно околу 1,5 денари во втората година започнувајќи од 1 јули 2020 година. Слични намалувања на роаминг услугите се очекува и за СМС пораките, со тоа што излезните СМС пораки нема да бидат поскапи од 3,7 денари, додека влезните СМС пораки ќе бидат бесплатни.

Ваквата спогодба ќе придонесе до намалување на цените за роаминг повици во просек од 50 до 70  проценти уште во првата година од нејзиното имплементирање споредено со сегашните цени на регулираните малопродажни роаминг повици со четирите земји потписнички на Спогодбата за намалување на роаминг услуги од септември 2014 во Будва.

Автор: Лидија Велковска

 

НАЈНОВО ОД КАТЕГОРИЈАТА

  • Претпладне променливо облачно, попладне нестабилно со пороен дожд

    Претпладне променливо облачно, попладне нестабилно со пороен дожд

    Претпладне променливо облачно, од пладневните часови ќе биде нестабилно со пороен дожд и грмежи на повеќе места. Локално процесите ќе бидат поинтензивни во форма на…

  • Полицајците ги спуштија штитовите во Минск, демонстрантите ги прегрнаа(видео)

    Полицајците ги спуштија штитовите во Минск, демонстрантите ги прегрнаа(видео)

    Припадници на интервентната полиција во центарот на Минск ги спуштија штитовите во знак на солидарност со демонстрантите за време на протестот во главниот град на…

  • Кои сили ќе дејствуваат на светските пазари на природен гас до 2040-та година?

    Кои сили ќе дејствуваат на светските пазари на природен гас до 2040-та година?

    Дури и пред почетокот на пандемијата на коронавирусот и падот на цената на нафтата во пролетта, 2020-та година се наѕираше како година на прекумерна потрошувачка…

  • Регистрирани 160 новозаразени од коронавирус, оздравени се 368 пациенти, а починаа 3 лица

    Регистрирани 160 новозаразени од коронавирус, оздравени се 368 пациенти, а починаа 3 лица

    Во последните 24 часа се направени 2.172 тестирања, а регистрирани се 160 нови случаи на ковид-19 во: Скопје-38, Куманово-19, Дебар-1, Штип-10, Прилеп-4, Тетово-20, Струга-9, Велес-3,…

  • „За тебе“ – надеж за младите без родители: „Ние сме тука за оние што се откажале од исполнување на своите соништа“

    „За тебе“ – надеж за младите без родители: „Ние сме тука за оние што се откажале од исполнување на своите соништа“

    Неодамна се формираше Здружение за помош и поддршка на деца без родители „За тебе“, кое всушност работи со младите лица кои пораснале без родители. Ова…

  • ЕУ објави најостар квартален пад на БДП-то од почетокот на статистиката

    ЕУ објави најостар квартален пад на БДП-то од почетокот на статистиката

    Бруто домашниот производ на Европската унија падна за 11,7% на сезонски прилагодената основа во второто тримесечје од 2020-та година. Периодот сепак беше обележан со мерки…

  • Во Србија на тромеѓето со Северна Македонија и Бугарија откриена златна жила со 19 тони злато

    Во Србија на тромеѓето со Северна Македонија и Бугарија откриена златна жила со 19 тони злато

    Канадската истражувачка компанија „Медголд ресурси“ навести дека во јужна Србија, на границата со Северна Македонија и Бугарија, во рамките на проектот наречен „Тламино“, открила прелиминарни…

  • Европска Унија постигна договор сo „Астразенека“: купува 300 милиони дози вакцина против „Ковид-19“

    Европска Унија постигна договор сo „Астразенека“: купува 300 милиони дози вакцина против „Ковид-19“

    Европската комисија денеска соопшти дека постигнала договор со британската компанија „Астразенека“ за набавка на најмалку 300 милиони дози од нејзината потенцијална вакцина против „Ковид-19“. Извршното…

  • Официјално: Вилијан го смени Челси со Арсенал

    Официјално: Вилијан го смени Челси со Арсенал

    Вилијан е официјално играч на Арсенал. 32-годишниот Бразилец пристигнува со бесплатен трансфер од Челси, откако одби да потпише нов договор со „сините“ од Лондон. Договорот…

  • НБРМ: И по укинувањето на дозволата за основање и работење на „Еуростандард банка“ АД Скопје, граѓаните треба да бидат спокојни – банкарскиот систем е и останува стабилен и сигурен

    НБРМ: И по укинувањето на дозволата за основање и работење на „Еуростандард банка“ АД Скопје, граѓаните треба да бидат спокојни – банкарскиот систем е и останува стабилен и сигурен

    И по укинувањето на дозволата за основање и работење на „Еуростандард банка“ АД Скопје, граѓаните треба да бидат спокојни – банкарскиот систем е и останува…