Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 13,100.48 0.03%    AUMK 2,200.00 -8.26%    GRNT 1,234.36 -0.01%    KMB 7,400.00 0%    MPT 76,900.00 -1.56%    OKTA 4,700.00 0%    PGST 615.00 0%    RMDEN15 99.50 1.02%    TETE 2,392.50 0.17%    TRPS 1,800.00 0%    TTK 1,650.00 -0.38%    

Гувернерката во Брисел: Позитивни оцени од ЕК за монетарната политика, продолжуваме интензивно да работиме на јакнење на финансиската стабилност

Време: 16:28

Датум: мај 17, 2019

Категорија: ЕКОНОМИЈА

„Најдобриот придонес што ние како централната банка можеме да го дадеме за зголемување на нивото на странски директни инвестиции во нашата земја е остварувањето на нашите клучни цели: одржување на ценовната стабилност и одржување и зајакнување на стабилноста на финансискиот систем. Успешно ги остваруваме овие наши цели. Макроекономската и финансиската стабилност е основа на инвестициската клима – таа ја намалува премијата на ризик на економијата и привлекува странски инвеститори, а придонесува и за зголемување на домашните заштеди.“ – нагласи гувернерката на Народната банка, д-р Анита Ангеловска-Бежоска на тематската дискусија посветена на структурните реформи и странските директни инвестиции,  во рамки на Економскиот и финансиски дијалог меѓу Европската Унија (ЕУ) и Западен Балкан и Турција, одржана денес во седиштето на Советот на ЕУ во Брисел.

Осврнувајќи се на големиот број мерки и активности коишто ги презеде Народната банка во изминатиот период за да обезбеди уште поголема стабилност и отпорност на банкарскиот систем на земјава, таа меѓу другото посочи на воведувањето на капиталните барања во согласност со Директивата на ЕУ и со капиталната спогодба Базел III. Во своето излагање, гувернерката се осврна и на промените во регулативата спроведени од Народната банка, со цел натамошно јакнење на корпоративното управување на деловните банки, како и на бројните мерки за подобрување на квалитетот на средствата на банкарскиот систем  и за намалување на евроизацијата.

„Продолжуваме интензивно да работиме на зголемување на стабилноста на банкарскиот систем, како клучен столб на финансискиот систем. На тој начин ќе придонесеме за посилна, но одржлива финансиска поддршка на реалниот сектор. Ќе продолжиме со зајакнување на надзорот на систематски значајните банки, со зајакнување на  макропрудентниот капацитет и ќе придонесеме за натамошен развој на алтернативните финансиски инструменти, иновативното финансирање, продлабочување на финансиските пазари и поттикнување на  финтек услугите кај нас“ – порача Ангеловска-Бежоска во Брисел.

Тематската дискусија во рамки на годинешниот Економски и финансиски дијалог помеѓу ЕУ и Западен Балкан и Турција беше посветена на структурните реформи што ќе ги спроведуваат земјите кандидатки за членство во ЕУ, со цел привлекување повеќе странски директни инвестиции и зацврстување на своите економии. На неа учествуваа голем број гувернери на централни банки и министри за финансии.

Претходно на настанот, претставниците на земјите од ЕУ и земјите од Западен Балкан и Турција ги усвоија заедничките заклучоци од годишниот економски и финансиски дијалог. Заклучоците содржат исклучиво позитивни оцени за поставеноста на монетарната политика кај нас, и воопшто, за заложбите на Народната банка за исполнување на насоките на ЕУ дадени минатата година во однос на Програмата за економски реформи. Европската комисија (ЕК) нагласува дека минатата година Народната банка во целост ја исполни препораката за монетарната поставеност и водеше приспособлива монетарна политика, одржувајќи ниска инфлација.

Во своите оцени, ЕК ги истакнува и заложбите на Народната банка за подготовка и развивање на сеопфатната Стратегија за поттикнување на справувањето и подобрување на управувањето со нефункционалните кредити и на Стратегијата за денаризација, изготвени во соработка со Министерството за финансии.

На регионално ниво, нашава земја и Албанија имаат највисока реализација на проектите и мерките од Програмата за економски развој од минатата година.

На Економскиот и финансиски дијалог меѓу ЕУ и Западен Балкан и Турција учествува и министерот за финансии, д-р Драган Тевдовски.

КОМЕНТАРИ

НАЈНОВО ОД КАТЕГОРИЈАТА

  • Европејците годишно трошат четири трилиони евра преку платежни картички

    Европејците годишно трошат четири трилиони евра преку платежни картички

    Расходите на европските платежни картички се зголемиле за една третина од 2014 година, и достигнале 3,9 трилиони евра, бидејќи картичките сè повеќе се користат за…

  • Го срушија сопствениот рекорд: Најголемата земја во Јужна Америка произведе милијарда барели нафта

    Го срушија сопствениот рекорд: Најголемата земја во Јужна Америка произведе милијарда барели нафта

    Минатата година Бразил произвел повеќе од една милијарда барели нафта, со што го сруши рекордот во производство. Дневното просечно производство во оваа земја изнесува 3,1…

  • На новата е-платформа на Централен регистар ќе има и доброволна регистрација за  ДДВ-обврзник

    На новата е-платформа на Централен регистар ќе има и доброволна регистрација за ДДВ-обврзник

    Од годинава, со нова електронска платформа при регистрирање на фирма во Централниот регистар, ќе може да се изврши и доброволна регистрација за ДДВ обврзник. Ова…

  • Од ноќеска на полноќ поевтинуваат горивата

    Од ноќеска на полноќ поевтинуваат горивата

    Малопродажната цена на бензините се намалува за половина денар, додека цената на дизелот и на екстра лесното масло за домаќинство за еден денар, така одлучи…

  • Македонија со награда на Светскиот Економски Форум во Давос

    Македонија со награда на Светскиот Економски Форум во Давос

    Најголемиот политички и економски настан во светот “Светскиот Економски Форум” во Давос заврши во петокот. На претпоследниот ден се одржа и технолошкиот парк во склопот…

  • Промени во врвот на глобалните пазари на телефони

    Промени во врвот на глобалните пазари на телефони

    Кина, уште пред неколку години, го надмина САД во однос на бројот на продадени телефони годишно, и таа во моментов претставува најголемиот светски пазар. Меѓутоа,…

  • Две земји имаа најдобар почеток на годината

    Две земји имаа најдобар почеток на годината

    Економијата во еврозоната порасна во јануари со исто слабо темпо како и во претходниот месец, одржувајќи постојан слаб прилив на нови нарачки, покажува месечниот извештај…

  • Северна Македонија со најголема корист од косовската такса на српскиот увоз

    Северна Македонија со најголема корист од косовската такса на српскиот увоз

    Увозот на производи од Северна Македонија во Косово во минатата година е зголемен за околу 40 отсто, откако Приштина во ноември 2018 воведе такса од…

  • Вознемирувачки снимки на заболени од коронавирус го обиколија светот(видео)

    Вознемирувачки снимки на заболени од коронавирус го обиколија светот(видео)

    Вознемирувачки снимки на пациенти како се тресат во ходникот на една од болниците во Вухан го обиколија светот. Станува збор за пациент заразен со озлогласениот…

  • Велика Британија ја претстави монетата која го означува излезот од ЕУ

    Велика Британија ја претстави монетата која го означува излезот од ЕУ

    Велика Британија ја претстави новата паричка, монета од 50 пени која означува заминување на Лондон од ЕУ. „Напуштањето на ЕУ претставува пресвртна точка во нашата…