Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 10,359.76 9.05%    GRNT 823.80 4.28%    KMB 6,095.78 6.78%    MPT 50,291.21 8.19%    MTUR 4,400.00 0%    OHB 4,300.00 -0.15%    OKTA 3,227.04 9.25%    RMDEN15 99.00 0%    RZUS 59.00 9.26%    SBT 2,381.67 8.93%    STB 940.74 2.93%    STIL 81.00 9.46%    TEL 277.40 3.19%    TKVS 4,880.00 -0.12%    TNB 14,403.00 2.96%    TTK 1,210.00 10%    

Тестирање на 5G технологија – партнерство на Македонски Телеком и ФЕИТ

Време: 13:40

Датум: мај 17, 2019

Категорија: КОМПАНИИ

Студентите на ФЕИТ меѓу првите ќе ја тестираат новата технологија што ќе се воведе во Европа по 2020 година

Денес, во Скопје, по повод 17 мај – Светскиот ден на телекомуникациите, Македонски Телеком и ФЕИТ објавија партнерство за тестирање на 5G технологија.
Македонски Телеком ќе инсталира 5G опрема и уреди за тестирање со што ќе им овозможи на студентите и професорите први да работат на функционалностите на овој нов технолошки стандард. Добиените резултати ќе се користат за научни цели и унапредувања на услугите кои во иднина ќе им бидат достапни на корисниците.

Тестирањата ќе се прават на новата опрема од Македонски Телеком и во новата 5G Evolution Laboratory“ во рамки на Лабораторијата за безжични и мобилни мрежи, која припаѓа на Институтот за телекомуникации на ФЕИТ.
„Нашите професори и студенти повеќепати се наградувани со престижни признанија за проекти што се развивале во постојната лабораторија. Отсега, со новата 5Ge опрема и уреди, во новоформираната лабораторија ќе ја имаме првата и единствена можност во земјава за тестирање, експериментирање и проучување на реални сценарија поврзани со идните технологии. Реалното тестирање на оваа технологија ќе им даде голема предност на нашите професори, соработници и студенти и сигурна сум дека ќе продуцира нови решенија и иновации“, изјави Лилјана Гавриловска, редовен професор на ФЕИТ.

5G или мрежата на петтата генерација во наредните години не само што ќе донесе огромни брзини на пренос на податоци преку интернет и комуникација во реално време, туку целосно ќе го смени начинот на којшто функционира нашето општество.

„Ние интензивно работиме на подготовки за воведување 5G и планираме инвестиции во мрежата за таа намена. Минатата година го изведовме првото 5G демо во регионот, а до крајот на годинава ќе имаме платформа со која ќе добиеме искуства во реално опкружување. Потребни се уште многу тестирања, но сè повеќе се доближуваме до комерцијалната фаза. Партнерството со ФЕИТ е уште еден чекор кон развој на 5технологиите, но и многу повеќе од тоа, затоа што ќе им даде предност на студентите, идните телекомуникациски професионалци, и на професорите први да ја тестираат новата револуционерна технологија која сè уште целосно не е воведена во Европа“, изјави Никола Љушев, Главен извршен директор на Македонски Телеком.

Повеќе за „5G Evolution Laboratory” на ФЕИТ

„5G Evolution Laboratory” е новоформирана лабораторија во рамките на Лабораторијата за безжични и мобилни мрежи при Институтот за телекомуникации. Лабораторијата е опремена преку НАТО проект за емулација на 5G јадрена мрежа и виртуелен радио пристап, користејќи софтверски дефинирано радио. Преку соработката со Македонски Телеком, „5G Eolution Laboratory” дополнително ќе се надгради со реални 5G уреди за тестирање на перформансите и ќе прерасне во најсовремена лабораторија во земјата каде што ќе се тестираат 5G мобилни технологии и системи.

Лабораторијата за безжични и мобилни мрежи досега се користеше за проекти од областа на безжичните и мобилните комуникации со примена кај 3G и 4G мрежите. Станува збор за истражувачка лабораторија во која се извршуваат истражувања и тестирања поврзани со тековните проекти и иновативни технолошки решенија (виртуелизација, мапи за радио покриеност, динамичен пристап кон спектар, интелигентни инфраструктури, само/организирачки мрежи и друго). Лабораторијата е акредитирана и за Мерења на карактеристики и сообразност на радио опрема и Мерења на радио спектар. Во оваа лабораторија досега се реализирани повеќе проекти од областа на безжичните и мобилните комуникации, како и студентски истражувања во рамките на дипломски, магистерски и докторски трудови. Членовите на лабораторијата повеќепати се наградувани со престижни меѓународни признанија. Опремата, подигањето на хардверската платформа и новиот софтвер ќе овозможат тестирања на најновите мобилни технологии и системи со што академскиот кадар заедно со студентите ќе имаат можност да работат во првата лабораторија за тестирање на 5G во земјава.

КОМЕНТАРИ

НАЈНОВО ОД КАТЕГОРИЈАТА

  • Еве кој вид сместување сега најмногу се бара на Airbnb

    Еве кој вид сместување сега најмногу се бара на Airbnb

    Коронавирусот прво и најсилно удри на пазарите на туризам, патувања и сместување, а денес речиси и да нема индустрија која не е погодена и загрозена…

  • Продажбата на H&M потона во март, очекуваат загуба во вториот фискален квартал

    Продажбата на H&M потона во март, очекуваат загуба во вториот фискален квартал

    Шведскиот ланец за облека H&M во петокот извести дека продажбата во март е скоро преполовена поради пандемијата од коронавирусот, предвидувајќи дека вториот фискален квартал ќе…

  • ЕУ регулатива за намалување на емисијата на CO2 од патничките автомобили

    ЕУ регулатива за намалување на емисијата на CO2 од патничките автомобили

    Автомобилите во Европската Унија емитуваат околу 12 проценти од вкупната емисија на јаглерод диоксид. Од 2009 година ЕУ регулативата поставува задолжителни таргети за намалување на…

  • Прифати го предизвикот – стани маркетер во Lyconet мрежата

    Прифати го предизвикот – стани маркетер во Lyconet мрежата

    Во состојба на голема економска и трудова неизвесност, младата популација е онаа категорија која е доста погодена, и стапката на невработеност е највисока токму кај…

  • Лукоил Македонија им доделува гориво на институциите кои се справуваат со коронавирусот

    Лукоил Македонија им доделува гориво на институциите кои се справуваат со коронавирусот

    Лукоил Македонија донесе одлука да додели гориво во вкупна количина од 15.000 литри на институциите кои се во првите борбени редови во справувањето со коронавирусот…

  • DEZINTAL 0,2% во ново пакување

    DEZINTAL 0,2% во ново пакување

  • Македонски Телеком: Корисниците ќе ги добиваат сметките електронски

    Македонски Телеком: Корисниците ќе ги добиваат сметките електронски

    Во услови на вонредна состојба, Владата донесе уредба со законска сила за примена на електронски фактури. Со уредбата, која е донесена како мерка за превенција,…

  • ЕВН донира 200 000 евра за медицинска опрема и материјали

    ЕВН донира 200 000 евра за медицинска опрема и материјали

    Дополнителни 10 000 евра за приклучок на новата монтажна болница ЕВН Македонија донира 200 000 евра на Министерството за здравство за набавка на медицинска опрема…

  • Жито: Придонесуваме за дополнителна стабилност на државниот буџет

    Жито: Придонесуваме за дополнителна стабилност на државниот буџет

    Велешкиот трговски синџир „Жито“ донесе одлука активно да се вклучи и да придонесе за дополнителна стабилност на државниот буџет со предвремено плаќање на месечните аконтации…

  • Онлајн надополнување на кредитот и неограничено сурфање на омилените социјални мрежи со А1 Go Social

    Онлајн надополнување на кредитот и неограничено сурфање на омилените социјални мрежи со А1 Go Social

    A1 Македонија оди чекор повеќе во понудата за припејд корисниците на мобилната телефонија, кои сега, додека се дома, можат да ја надополнат својата сметка на…