Топењето на покривот на Нотр Дам оставил астрономски високо ниво на олово на плоштадот пред катедралата и на околните улици.
Париската полиција денеска соопштила дека нивото на олово од покривот е помеѓу 10 и 20 грама на килограм земја, што е 32 до 65 пати повеќе од нивото препорачано од француските здравствени власти, коe изнесува 0,3 грама за килограм.
Подрачјето на најблиската катедрала е моментално затворенo, пренесува AP.
Најголема опасност претставува оловната прашина што може да ги покрие површините на блиските куќи и комерцијалните згради. Со цел да се избегне труење од олово, властите препорачале добро чистење со влажна крпа, а бремените жени и децата често да ги мијат рацете.
Стотици тони олово биле користени при изградбата на Нотр Дам, како и во црквената кула, која изгоре и се сруши.
