Австралискиот медиумски магнат Руперт Мурдок и „Abu Dhabi’s state media group“ се наоѓаат во напредна фаза на преговори за купување на групата „Financial Times“ за 1.2 милијарди долари.
Преговорите се водат повеќе од еден месец со британската компанија „Pearson“ која е актуелен сопственик на групата „Financial Times“, а можно е тие да завршат веќе следната недела.
Според информациите преговорите се водат за купување на целата група „Financial Times“, во која е вклучен истоимениот економски весник, 50 проценти од списанието „Economist“ и други услуги поврзани со финансиските информации.
„Abu Dhabi’s state media group“ ќе контролира околу 75 проценти од новата компанија, а Руперт Мурдок останатите 25 проценти. Сепак магнатот има намера во иднина да откупи уште 25 проценти од компанијата.
Компанијата на Руперт Мурдок, „News Corporation“ ги поседува уште и весниците „Wall Street Journal“, „The Sun“, „The Times“ и „New York Post“, како и американската телевизија „Fox“ и холивудското студио „21st Century Fox“.
