Во екот на конфликтите на улиците на Каракас беше забележана неверојатна сцена – оклопно возило на Националната гарда лојална на Николас Мадуро буквално ги гази демонстрантите.
Како што може да се види на снимката, возилото оди директно во група на демонстранти и поминува низ зелената површина на другата лента газејки ги демонстрантите. Како што објави Ројтерс, тоа е група на демонстранти кои фрлаа камења кон возилото и го удирале со стапови.
Набрзо потоа се појавиле фотографии од прегазени луѓе.
Да се потсетиме, завчера се случи обид за државен удар во Венецуела, откако лидерот на опозицијата и самопрогласениот претседател Хуан Гваидо од воздухопловната база “Ла Карлота” во близина на Каракас ја повика армијата да го поддржи во прекинување на узурпацијата од страна на претседателот Николас Мадуро.