Европската унија ќе настојува до 2023 година да го зголеми увозот на течен природен гас од САД на осум милијарди кубни метри годишно, што е повеќе од двојно во однос на нивото од 2018 година, соопшти денеска Европската комисија.
Американскиот претседател Доналд Трамп во јули минатата година на состанокот со претседателот на Европската комисија, Жан Клод Јункер, порачал дека нема да воведе царини за автомобили од ЕУ, како дел од напорите на двете страни за подобрување на економските односи и напори на САД за зголемување на нивниот извоз на гас.
