Во завршна фаза е изградбата на елитниот станбен комплекс “ Проект K” кој го разубави кејот на Вардар. Енергетско ефикасните домови кои гарантираат намалување на месечните трошоци во секое домаќинство до 70% привлекоа големо внимание кај јавноста. По завршувањето на фасадата на објектот, во овој период забрзано се работи на уредување на целиот простор во објектот и во неговата околина.
Како што најавија од компанијата Enta Seal кои се инвеститори и изведувачи на комплексот, домовите кои се градат според сите светски стандарди се идеални за луѓе кои мечтаат за стилски животен простор, со високи естетски и функционални карактеристики.
Комплексот е во вкупна површина од 5600м2, а останатиот дел од парцелата е обликуван во вид на парк со патеки, зеленило, фонтани, летниковци и детски игралишта – кои се на располагање на сите жители на комплексот, изградени со цел живеењето во објектот да биде пријатно, a престојот во домот да се претвори во врвно искуство.
Станарите ќе живеат во најсовремен технички опремен простор со индивидуална температура на становите, приклучоци за интернет, кабелска телевизија, аудио опрема. Целиот простор е со модерен но пред се квалитетен дизајн кој гарантира високо ниво на луксузно живеење.
Официјалното отварање е предвидено да се реализира во текот на летото оваа година.
