Економијата на Ирска повторно падна во рецесија во втората половина од минатата година и продолжи да тоне во првиот квартал од 2013 година, покажуваат официјалните податоци во Даблин.
Ирскиот бруто домашен производ во третиот и четвртиот квартал од 2012 година се намали за 0,1 процент, односно 0,2 проценти, со што Ирска официјално влезе во рецесијата, која се дефинира како два последователни квартали со негативен економски раст, наведува Заводот за статистика во Даблин.
Заводот додава дека во првиот квартал од оваа година е евидентиран негативен економски раст од 0,6 проценти.