На почетокот на Самитот се обрати домаќинот, претседателот на Владата на Хрватска Андреј Пленковиќ. Главна тема на Самитот е да се изградат нови мостови преку отвореност, иновации и партнерство.
Во Дубровник започна 8-от Самит на премиерите на 16 земји од Централна и Источна Европа и Кина.
Ќе биде отворена и изложба за соработка на тема образование на земјите од иницијативата “16 + 1”.
Денес ќе се одржи и 9-тиот Економско-трговски форум, на чие отварањето покрај Пленковиќ, ќе говори и кинескиот премиер Ли Кечианг.
Иницијативата “16 + 1” беше формирана во 2012 година со цел да се промовира бизнисот и инвестициската соработка помеѓу Кина и 16 земји од Централна и Источна Европа – Србија, Бугарија, Албанија, Босна и Херцеговина, Хрватска, Чешка, Естонија, Унгарија, Латвија, Литванија, Црна Гора, Северна Македонија, Романија, Словачка и Словенија.
Оваа иницијатива се смета за составен дел на мегапроектот “Еден појас, еден пат” – современиот пат на свилата и еден од најамбициозните проекти во историјата.
