Германската канцеларка Ангела Меркел порача во Бундестагот на младите Европејци кои се без работа да им се даде „шанса за иднината“.
Меркел изјави дека задачата на европските официјални лица е да им помогнат на младите лица да се вработат.
„Невработеноста, особено меѓу младите, ни задава многу грижи. Треба да им дадеме шанса за иднината, тоа им го должиме, особено поради тоа што тие не се одговорни за сите недостатоци во последните години во областа на економијата и финансиите“, изјави Меркел.
Меркел потенцираше дека Германија и другите земји, како Австрија, Данска и Холандија, можат да го споделат повеќегодишното искуство со вработувањето на младите лица со останатите земји членки на Европската унија.