По повод Денот на еднаква плата за мажите и жените, Центарот за истражување и креирање политики организира дебата на тема „18% помалку вредни: јазот во платите на мажите и жените“.
На дебатата ќе се дискутира за јазот во платите меѓу мажите и жените кој во земјава изнесува 18 отсто, за алатките за евалуација на вредноста на трудот и воопшто за родовата дискриминација на работното место.
На дебатата ќе говорат Емил Крстановски, национален координатор во Канцеларијата на Меѓународната организација на трудот во Скопје, Никица Мојсоска-Блажевски, извршен директор на Македонија 2025, Маре Анчева, генерален секретар на Синдикатот за индустрија, енергетика и рударство и Дона Димов Марковска, проектен менаџер во Организацијата на работодавачи.
