Шкода на претседателот на Чешка, Милош Земан му испорачаа специјална верзија на моделот „Superb“ која ќе биде користена како нова претседателска лимузина.
Автомобилот е офарбан во „Black Magic“ металик боја, додека внатрешноста е во кафена кожа во комбинација со црни површини со висок сјај. Претседателскиот „Superb“ има и можност за греење, односно ладење на седиштата.
За погонот е задолжен 3.6 литарски бензински „FSI V6“ мотор кој развива 191 kW/260 ks и 350 Nm максимален вртежен момент. Моторот е поврзан со шестбрзински DSG автоматски менувач, а снагата се пренесува на сите четири тркала.
Овој автомобил е во можност од 0 дo 100 km/h да забрза за 6.4 секунди, додека максималната брзина е ограничена на 250 km/h.
Инаку деталите за блиндираната каросерија и стакла не беа соопштени, но извесно е дека претседателската лимузина ја има вистинската заштита за овој вид на возила.