Германскиот претседател Франк Валтер Штајнмајер предупреди за широко распространета фасцинација на авторитарните личности, на кои ниту Германија не е имуна, без оглед на добрата економска состојба на повеќето граѓани.
Штајнмаер на новинарите во Берлин изјави дека после 70 години од поствоената стабилност во Германија и во поголемиот дел од Европа, многу луѓе ја земаат демократијата здраво за готово и не гледаат потреба да се борат за неа, пренесува AP.
Според неговите зборови, брзите промени во животите на луѓето поради технологијата се вознемирувачки и ги прават луѓето подложни на авторитарните личности кои ветуваат дека ќе ги имаат сите одговори.
Германскиот претседател ги повика водечките политичари и партии да работат подобро на толкување на вредностите на демократијата.