Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 13,366.09 0.17%    GRNT 1,179.97 0%    KMB 7,652.15 0.07%    MPT 77,971.46 -0.03%    MTUR 5,700.00 0%    OHB 5,095.09 0.97%    OKTA 4,796.51 2.05%    PKB 12,000.00 -2.28%    REPL 81,000.00 1.26%    RZEK 48.00 0%    RZLV 40.00 0%    RZTK 701.00 0%    RZUS 68.00 0%    SBT 3,026.72 0.89%    STB 1,300.00 -0.08%    STBP 655.00 -1.06%    TETE 2,250.00 0%    TTK 1,700.00 0.01%    UNI 2,200.00 -0.95%    

Земојделците бараат стабилни откупни цени, трговците ветуваат пласман без проблеми на пролетната зелка

Време: 09:37

Датум: март 25, 2019

Категорија: ЕКОНОМИЈА

На десетина дена пред почетокот на интензивната берба на пролетната зелка и земјоделците и трговците очекуваат пласманот да помине без турбуленции и дека нема да се повторат ланските слики со откупот на пролетната зелка, кога револтот на земјоделците кулминира со блокади заради ниските откупни цени.

Трговците оптимизмот го темелат на фактот што зимската зелка годинава по подолго време има добра откупна цена, која пред крајот на бербата е околу 35 денари за килограм, а сигурниот пласман на пролетната зелка го поврзуваат со фактот дека нема одеднаш да стаса целото производство.

-Годинава помал дел од пролетната зелка е засеан пред големите студови и мразот, а останатиот, поголем дел, потоа. Очекуваме да се појави вакуум од 15 до 20 дена, по што ќе стаса за берба и пролетната зелка што е засеана на отворено. Тоа ни дава за право да сметаме дека нема да има хиперпроизводство и барање да се откупи зелката по секоја цена, смета Благој Витанов, трговец од Струмица.

Очекува откупната цена на почетокот да изнесува од 35 до 40 денари за килограм.

-Понатаму не очекувам откупната цена да падне под 20 денари и таква да остане до крајот на сезоната, смета Витанов.

Според него, значајно е и кога ќе стаса пролетната зелка во соседството, посебно во Србија. Доколку и таму стаса во исто време како кај нас, тогаш може да се очекува тоа да има влијание врз откупната цена на македонската зелка.

Производителите на пролетна зелка не очекуваат дека ќе се повтори ланската лоша година, кога мака мачеа со пласманот.

-Иако на одредени површини се берат мали количини зелка, сепак сè уште е рано да се каже што ќе се случува. Но, ако се суди по сегашните цени, кога пролетната зелка се продава за 50 денари за килограм на мало, тогаш треба да очекуваме добра сезона, смета Коце Божиков, производител на пролетна зелка од селото Дабиле.

Додава дека за нив е најважно во текот на целата откупна сезона откупната цена да не падне под 20 денари.

-На почетокот на бербата и пласманот сосема е очекувано пролетната зелка да има повисока цена, но доколку до крајот на производствениот циклус не падне под 20 денари за килограм, тогаш можеме да кажеме дека сме поминале добро, рече Божиков.

И други откупувачи го делат оптимизмот на земјоделските производители за успешен пласман на една од првите раноградинарски култури.

-Очекувам добра сезона, бидејќи нашата пролетна зелка нема да стаса одеднаш и со тоа да се создаде вишок на пазарот. Очекувам динамиката на берба да трае од 2,5 до 3 месеци и тоа е добро и за производителите и за нас. Секако, многу е важно оваа култура да има добра откупна цена доколку ресорното министерство ги одржува неделните откупни цени што се законска обврска за откупувачите, смета Ацо Стоилков, откупувач од Струмица.

Трговците потврдуваат дека пласманот на земјоделски производи тече непречено на сите пазари. Најголем дел од годинашново производство на зимска зелка заврши во Романија, потоа во Украина, Србија, Бугарија и во Русија. Очекуваат на истите пазари да се пласира и пролетната зелка.

Инаку, во Струмичкиот Регион се засадени над илјада хектари под оваа култура и се очекува принос од над 50 илјади тони.

Ристо Тасев

КОМЕНТАРИ

НАЈНОВО ОД КАТЕГОРИЈАТА

  • Се бара управител за минималец од 14.500 денари – порастот на минималната направи „урамниловка“ во платите

    Се бара управител за минималец од 14.500 денари – порастот на минималната направи „урамниловка“ во платите

    Ревизор, економист, сметководител, информатичар, геодетски техничар, медицински лица, проект менаџер, фармацевт, па дури и управител – бараат македонските газди преку огласи и сите за минимална…

  • Кинеската централна банка најавува нови економски стимулации

    Кинеската централна банка најавува нови економски стимулации

    Кинеската централна банка ќе преземе понатамошни чекори за поддршка на економијата погодена од коронавирусот, вклучително и ослободување поголема ликвидност и намалување на трошоците за финансирање…

  • Цените на нафтата во пад

    Цените на нафтата во пад

    Цената на нафтата на светскиот пазар е во пад за повеќе од два проценти, бидејќи инвеститорите се плашат од влијанието на епидемијата на вирусот корона…

  • Ангеловска: Само со дигитализација e можна департизација и ефикасна администрација

    Ангеловска: Само со дигитализација e можна департизација и ефикасна администрација

    Инвестицијата во човечкиот капитал, во технологии како и реформи за брза ефикасна администрација, ќе овозможи континуитет во економскиот раст кој пак ќе биде генериран од приватниот…

  • Прва жртва на коронавирусот во Европа, почина пациент во Италија

    Прва жртва на коронавирусот во Европа, почина пациент во Италија

    Пациент заразен со коронавирус во градот Падова, на северот на Италија, почина, со што стана прва жртва на вирусот во Италија, но и во Европа.…

  • СЗО: Земјите мора да дејствуваат брзо пред да биде предоцна

    СЗО: Земјите мора да дејствуваат брзо пред да биде предоцна

    Шансите за сузбивање на ширењето на епидемијата на коронавирусот во светот се намалени, предупреди Светската здравствена организација (СЗО), нагласувајќи дека земјите мора да дејствуваат брзо…

  • Половина од граѓаните загрижени од кражба на идентитет на интернет

    Половина од граѓаните загрижени од кражба на идентитет на интернет

    Околу половина од домашната популација е загрижена од кражба на идентитетот и станување жртва на измама со користење банкарска картичка, а над петтина (16 проценти)…

  • Задушница – спомен за починатите

    Задушница – спомен за починатите

    Православните христијани денеска ја одбележуваат Задушница во знак на сеќавање на починатите. Оваа Задушница секогаш се паѓа в сабота пред месопусната недела во пресрет на…

  • Претпладне облачно, попладне сончево со северен ветер

    Претпладне облачно, попладне сончево со северен ветер

    Времето претпладне во поголем дел од земјава ќе биде променливо облачно, а од пладневните часови облачноста ќе се намали. Ќе дува умерен до засилен ветер…

  • Агенцијата за промоција и поддршка на туризмот на 42-от меѓународен саем за туризам ”SAJAM TURIZMA 2020” во Белград

    Агенцијата за промоција и поддршка на туризмот на 42-от меѓународен саем за туризам ”SAJAM TURIZMA 2020” во Белград

    Агенцијата за промоција и поддршка на туризмот учествува на 42-от меѓународен саем за туризам ”SAJAM TURIZMA 2020” во Белград, заедно со општините Дојран и Крушево,…