„Градови на иднината“ е темата на работилницата која денеска ќе се одржи во Скопје во организација на Програмата за развој на Обединетите нации (УНДП) во соработка со Министерство за животна средина и просторно планирање и Град Скопје.
Според организаторите, на отворањето, воведен збор ќе имаат Постојаната претставничка на Програмата за развој на Обединетите нации (УНДП) Нарине Сахакјан и заменик министерот за животна средина и просторно планирање Јани Макрадули.
Дводневната работилница ќе ја водат експерти за климатски иновации и паметно планирање на иднината на градовите, Тим Тејлор, висок советник за градови во Climate KIC, водечка европска иницијатива за климатски иновации и Андреа Реј Бојл, експерт за иновации и нови градови во УНДП Регионален хаб во Истанбул.
